Лениногорскида шәһәр полициясенең гарнизон разводы үтте

Гарнизон разводында Лениногорск районы Башкарма комитеты җитәкчесе Наил Залаков, Россия Эчке эшләр министрлыгының Лениногорск районы буенча бүлеге начальнигы полиция полковнигы Айбулат Юнысов, ирекле халык дружинасы, «ФОРПОСТ» яшьләр оешмасы активистлары, шулай ук шәхси сак оешмалары хезмәткәрләре катнашты.

Россия Эчке эшләр министрлыгының Лениногорск районы буенча бүлеге җитәкчелеге тәртип сакчыларының хезмәт итүгә әзерлеген бәяләде.

Җәмәгать тәртибен саклауга ярдәм итүче полиция хезмәткәрләре оператив хәл торышы турында хәбәр иттеләр, эзләнүче җинаятьчеләрнең һәм хәбәрсез югалган затларның ориентирлары белән таныштылар.

Чара барышында шулай ук бүләкләү тантанасы да узды. Җәмәгать тәртибен саклауда һәм хокук саклау органнарына ярдәм күрсәтүдә актив катнашкан өчен Лениногорск муниципаль районы Башлыгы һәм эчке эшләр бүлеге җитәкчелеге исеменнән ирекле халык дружинасы җитәкчесе һәм активистларына Рәхмәт хатлары тапшырылды.

фото:http://leninogorsk.tatarstan.ru