Лениногорскиның салым түләмәүчеләре комиссия утырышына чакырылды

Бирегә быелның 1 июленә салым буенча бурычлары булган юридик һәм физик затлар, шәхси эшмәкәрләр чакырылды. Шәһәр прокурорының өлкән ярдәмчесе Игорь Крюков, Федераль салым хезмәтенең республика буенча 17нче районара инспекциясе начальнигы урынбасары Гүзәл Карманова һәм финанс-бюджет палатасы рәисе Раил Хәмидуллин утырышка чакырылганнардан салым түләмәүләренең сәбәпләрен аңлатуны сорадылар. Сөйләшү барышында кайбер шәхси эшмәкәрләрнең бернинди эш алып бармаулары аңлашылды, әмма кирәкле органнарга бу хакта хәбәр итмәүләре сәбәпле барыбер салым бурычларын түләргә тиешлеге аңлатылды. Бурычлыларның һәрберсе түләүне вәгъдә итеп ышаныч хаты язды.