Лениногорскилы мошенниклар кармагына эләккән

49 яшьлек хатынны алдап, кредит рәсмиләштереп, алар счетына акча күчерергә мәҗбүр иткән җинаятьчеләрнең шәхесен Лениногорскиның хокук сакчылары ачыклый.

16 гыйнвар көнне билгесез кеше, гариза язган хатынның телефонына шалтыратып, үзен банк хезмәткәре дип таныштыра һәм аның банк мәгълүматларының мошенниклар кулына эләгүе турында хәбәр итә. Әле картадан акча күчерергә теләүдән тыш, аның исеменә кредит алырга теләп, гариза язганнар, имеш. Моңа юл куймас өчен, ялган банк хезмәткләрләре үзләренең кредит белгечәләрен тикшереп карарга тәкъдим иткәннәр.  Моның өчен бу хатынга онлайн рәвештә, керемнәре турында ялган мәгълүмат биреп, кредит рәсмиләштерү өчен гариза язарга кирәклеге, аны кабул иткән очракта, акчаның банкка кайтарылачагы турында аңлатканнар, ә кредитның гамәлдән чыгарылачагын вәгъдә иткәннәр.

Хатын аларны тыңлап, мошенниклар сораганнарның барысын да үтәгән: 120 мең сум кредит рәсмиләштереп, ялган хезмтәкәрләр әйткән счетка акча күчергән.

Әлеге очрак буенча җинаять эше кузгатылган.

Эчке эшләр бүлеге матбугат хезмәте