Резюмеларда яңа графа барлыкка киләчәк
Россиядә яшәүчеләр 2020 елда резюме урнаштырганда үзләренең волонтерлык тәҗрибәсе турында да хәбәр итә алачак. Һәм резюмеда тиешле билге барлыкка киләчәк. Бу хакта Россиянең Хезмәт һәм мәшгульлек федераль хезмәте җитәкчесе Денис Васильевка сылтама белән “Российская газета” хәбәр итә.
Эшкә урнашканда, Россия халкы волонтерлык тәҗрибәсе турында да хәбәр итә алачак.
“Волонтерлык тәҗрибәсе бик мөһим һәм эш эзләүченең характерының ныклы үзенчәлеге булып тора”, - диде Васильев.
Басма хәбәр иткәнчә, хөкүмәт 2025 елга кадәр Волонтерлыкны үстерү концепциясен тормышка ашыру планын раслаган. Ул “Добровольцы России” волонтерлыгын үстерү өлкәсендә бердәм мәгълүмат системасын «Общероссийская база вакансий "Работа в России" мәгълүмати-аналитик системасы белән интеграцияләүне күздә тота. Бу эшкә урнашканда волонтерлык эшчәнлеге тәҗрибәсен исәпкә алу өчен эшләнә.
Фото: pixabay.com
https://tatar-inform.tatar/news/2019/08/27/192323/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев