Россиялеләргә социаль челтәрләрдә ялга китүләре турында сөйләмәскә киңәш ителә

Росгвардия белгечләре россиялеләргә мөмкин булган җинаятьләрне кисәтү өчен булачак яллар турындагы мәгълүматны таратмаска киңәш итә. Бу турыда “Интерфакс” яза.

"Планлаштырылган сәфәрләр турында танышларга, шулай ук социаль челтәрләрдә сөйләргә кирәкми. Бу мәгълүматтан чит кешеләр файдалана ала", - диде Россия Милли гвардиясе гаскәрләренең ведомстводан тыш сак баш идарәсе башлыгы полиция генерал-лейтенанты Александр Грищенко.

Шулай ук ул түбән һәм иң югары катлардагы фатир хуҗаларына күп катлы йортларның тәрәзәләрен рәшәткәләр яки рольставнялар белән җиһазландырырга тәкъдим итә.

"Пыялаларның ватылуын яки тәрәзә рамнарын сыгуны хәбәр итә торган корылма урнаштырырга да мөмкин", - дип өстәде башлык.

Бу хакта тулырак: https://tatar-inform.tatar/news/2019/05/29/187167/

фото:pixabay.com