Рөстәм Миңнеханов 1 апрельдә «Чак-чак» Норрисны Татарстанның спорт министры итеп билгеләде
Бүген Россиядә Халыкара Көлке көне билгеләп үтелә.
Татарстан Президенты Рөстәм Миңнеханов Instagram социаль челтәрендә танылган актер Чак Норрис белән бергә төшкән фотосын урнаштырды. Республика Президенты аны Татарстанның яңа спорт министры буларак тәкъдим итте.
«Чак-чак Норрис – безнең яңа спорт министры!» - дип язган ТР Президенты фото астына.
Миңнехановның әлеге шаяртуы блогерларда уңай хис-кичерешләр уяткан. «1 апрель! Хәтта Президентка да ышанма икән!» - дип язган социаль челтәрдән файдаланучыларның берсе.
Халыкара Көлке көнен 1 апрельдә күпчелек илләрдә, шул исәптән Европада, Төньяк Америкада, элеккеге СССР республикаларында билгеләп үтәләр.
Фото: Инстаграм
https://tatar-inform.tatar
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев