Заман сулышы

Ә сез "Заман сулышы"на язылдыгызмы әле?

Яңа 2013 елга аяк атларга, аның белән бергә көндәлек матбугатка язылу кампаниясе тәмамланырга да санаулы көннәр калып бара. Без - журналистлар өчен, подписка чоры кызу урак өстен хәтерләтә дисәм, артык булмас. Тик, ни кызганыч, соңгы елларда газет-журналларга язылу кимегәннән-кими. Аның сәбәбе - көндәлек тормышыбызга Интернет, электрон китаплар килеп керүдә. Шулай...

Реклама

Яңа 2013 елга аяк атларга, аның белән бергә көндәлек матбугатка язылу кампаниясе тәмамланырга да санаулы көннәр калып бара. Без - журналистлар өчен, подписка чоры кызу урак өстен хәтерләтә дисәм, артык булмас.


Тик, ни кызганыч, соңгы елларда газет-журналларга язылу кимегәннән-кими. Аның сәбәбе - көндәлек тормышыбызга Интернет, электрон китаплар килеп керүдә. Шулай да, ни генә булмасын, зарыгып көтеп алган кунак кебек шәһәр һәм район яңалыклары, төрле хәбәрләр, гыйбрәтле язмышлар, шигырьләр һәм башка яңалыклар "төяп" килгән район басмасы иң үтемлеседер. Кулыңа буяу исе килеп торган газетны алып укуы үзе ни тора! Аның килгәнен, хәтта, без - редакция хезмәткәрләре дә түземсезлек белән көтеп алабыз.
«Заман сулышы» газеты үзенең 20 елдан артык узган гомере, тарихы, гореф-гадәтләре белән горурлана ала. Күркәм традицияләрен дәвам итүче, район халкының төп хәбәрчесе, ул гына да түгел, шәһәр һәм районда бердәнбер татар басмасы булып яшәвен дәвам итә. Үз укучыларыбызны югалтмау, алар белән даими элемтәдә булу, кулдан килгәнчә газетның тиражын арттыру безнең төп бурычларның берсе.
- Җир белән яшәүче авыл кешесенең эше тавык та чүпләп бетермәслек. Гомер-гомергә җәй дими, кыш дими, йә бакчада казынып, йә мал-туар арасында йөреп, караңгы төшкәнче бөтен эшне тизрәк бетерәсе килеп, каралты-курада йөренәм. Әмма, шулай да, почта белән кызыксынам, кичке буйда булса да кулга газет алып утырам. Барлык яңалыкларны шуннан беләбез бит. Бигрәк тә әдәби язмаларны укырга яратам, файдалы киңәшләрен кызыксынып карыйм, - ди Түбән Чыршылы авылында яшәүче күп санлы әбүнәчеләребезнең берсе Илвира Насыйбуллина.
- Газетны ел саен алдырып барам. Ул бик бай эчтәлекле, күптөрле файдалы һәм кызыклы мәгълүмат бирә. Шәһәр һәм район тормышындагы яңалыклар, вакыйгалар белән кызыксынмыйча торып буламыни ул? - ди шәһәрдә яшәүче әбүнәчебез Гүзәлия Әхмәтшина.
Гадәттәгечә, газетка язылучылар арасында призлар уйнатуны дәвам итәбез. Бу юлы да сезнең өчен яхшы һәм файдалы призлар әзерләдек. Озын-озакка сузмыйча, газетка язылып, квитанция номерларын хәбәр итсәгез, әлеге призларның берәрсенә ия булып куюыгыз бар, хөрмәтле газет укучыларыбыз.
Газетка почта бүлекчәләрендә һәм редакциягә килеп тә язылырга була.
Квитанция номерлары 25 декабрьгә кадәр кабул ителә.

Иң мөһим һәм кызыклы язмаларны Татмедиа Telegram-каналында укыгыз


Теги: язылу
Нравится
Поделиться:
Реклама
Комментарии (0)
Осталось символов: