Шәһәрнең Туган якны өйрәнү музеенда балалар өчен кызыклы чара үтте (фотолар)

Терроризмга каршы куркынычсызлык айлыгы кысаларында шәһәрнең Туган якны өйрәнү музеенда балалар өчен чара узды, дип хәбәр итәләр музейдан.

Ул көнне кунакка 5нче мәктәпнең 1 "А" сыйныфы укучылары килә. Аларга музей хезмәткәрләре гадәттән тыш хәлләр вакытында, мәсәлән, җәмәгать урынында бомба шартлау, кешеләрне урлау, заложникка алу кебек очраклар килеп чыкканда үзеңне ничек тотарга кирәклеген аңлаттылар. Әлбәттә, моны уен формасында башкаргач, күңелле дә, файдалы да булды. Аңлап эш иткәч, музейдан тиз генә эвакуацияләү юлын да таптылар. Чара балаларга ошады.