Татарстан даруханәләрендә купкан ыгы-зыгы кими башлаган

«Хәзер вазгыять, дөрестән дә, акрынлап җайлана башлады. Шуңа да карамастан, кайбер урыннарда препаратларга сорау бар әле», - дип искәртте Галимова.

Аның сүзләренчә, медицина учреждениеләре һәм даруханә челтәрләрен препаратлар белән тәэмин итү мәсьәләсен ТР Президенты Рөстәм Миңнеханов шәхсән үзе контрольдә тота. Татарстанда коронавируска каршы көрәш буенча Оператив штабның шушы көннәрдә узган утырышында барлык районнарны конкрет препаратларны рецепт нигезендә бирү таләбен үтәргә чакырдылар.

Моннан тыш, Галимова искәрткәнчә, үз-үзеңне дәвалау белән шөгыльләнмәскә, даруларны алдагы көнгә дип сатып алмаска һәм аларны профилактика максатларында кулланмаска кирәк. Медицина учреждениеләрендә коронавирусны дәвалау өчен дару препаратлары бар, дип өстәде ул. 

https://tatar-inform.tatar/news/health/12-11-2020/liliya-galimova-tatarstan-daruhan-l-rend-kupkan-ygy-zygy-kimi-5785077