Татарстанда «Мең дә бер рәхәтлек» турының яңа ел версиясен булдырганнар

Татарстанның алты районы Яңа ел бәйрәмнәрендә «1000 һәм 1 рәхәтлек ял көннәрендә» ташламалы программасы буенча туристлар кабул итәчәк. Бу хакта Туризм буенча ТР Дәүләт комитеты рәисе Сергей Иванов хәбәр итте.

"Программа эшләвен дәвам итә, әмма яңа ел каникулларында бәя бераз үзгәрде. 31 декабрьдән 10 гыйнварга кадәр чорда бәя бер кешегә 3 мең сум тәшкил итәчәк. Программада алты район катнаша, аларның һәркайсында программалар кышны исәпкә алып җайлаштырылган. Һәр район үзәге Яңа ел бәйрәме белән бизәлгән: һәркайда чыршылар, таулар һәм шугалаклар бар. Музей объектларыннан тыш, вакытны балалар һәм дуслар белән саф һавада актив уздырырга мөмкин”, - диде ул.

Программа 2020 елның 1 июненнән эшли башлады, июнь-сентябрь айларында тәкъдим ителгән маршрутлар буенча 500 сәяхәт кылынды. «1000 дә 1 рәхәтлек» программасының яңа ел версиясенә Бөек Болгар, Алабуга, Чистай, Балык Бистәсе, Саба һәм Кукмара районнары керде. Гыйнвар бәйрәмнәрендә ике көнлек сәяхәтне бер үк бәядән башкарырга мөмкин - кешегә 3 мең сум. Бу суммага кунакханәдә ике көн эчендә яшәү кертелгән, шул исәптән бер төн, шулай ук иртәнге аш, ике төшке аш һәм ике экскурсия.

Чыганак: tatar-inform.ru