Татарстанда Яңа елга кадәрге көннәрне санау буенча исәп башланды
Татарстан Дәүләт хезмәтләре порталында һәм республика дәүләт хакимияте органнарының барлык сайтларында Яңа ел җиткәнче калган көннәрне, сәгатьләрне, минутларны һәм секундларны санаучы баннер урнаштырылган.
Бу хакта Татарстан дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.
Шул ук вакытта баннерда сурәтләнгән медицина битлегендә Кар бабай республика халкына бәйрәм көннәрендә дә профилактик чараларны үтәүнең мөһимлеге турында искә төшерә.
Моннан тыш, дәүләт хезмәтләре порталыннан файдаланучыларның барысы да республика җитәкчелегеннән махсус яңа ел котлаулары алачак. Хәбәрнамәләр Порталдагы шәхси кабинетка да, «ТР Хезмәтләре»кушымтасына да киләчәк.
Баннерлар барлыгы 116 республика сайтында урнаштырылган.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев