ТӨЙМӘ ЮРАМЫШЛАРЫ
Без үскәндә өстә килеш төймә таксаң- бәхетеңне ( акылыңны) тегәсең, диләр иде. Инде тегәргә туры килгәндә , теккәндә кеше сөйләшми торырга тиеш дип искәртәләр иде. Мондый вакытта тегүче “Шайтанның бәхетен тегәм”, -дип әйткәне дә нык истә калган. Энәне бер атлаткан саен, акылы җиңеләйгән яисә үлем түшәгендә яткан берәр картның исем әйтеп: “Фәләннең акылым тегәм”, - дип әйтергә кирәк икәнен дә күпләрнең ишеткәне булгандыр. Күптән түгел бер иске календарьдә төймә юрамышларына тап булдым. Бик кызыклы булып тоелды. Сез дә укып карагыз әле.
Сабый бала төймәңнән тотса- изге эшләр көтелә.
Сизмәгәндә төймәләрең сүтелеп китсә- яңа кием киюгә.
Төймә сынса,ватылса, кителсә- күңелсезлек килә.
Кулдагы төймәләр чәчелсә- ачуланышуга.
Ак төймәне кара җеп яки кара төймәне ак җеп белән тексәң- тормышың, эшләрең кирегә китәр.
Киемнең өске төймәсе төшсә- ызгыш-талашка.
Киемнең аскы төймәсе төшсә- юл көтелә.
Киемнең урта төймәсе төшсә- изге эшкә( куанычка).
Юлда барганда кара төймә тапсаң- юл уңмый.
Юлда ак төймә тапсаң- юл уңа.
Юлда кызыл төймә тапсаң- гашыйк буласың.
Юлда китек төймә тапсаң- ниятең барып чыкмый.
Күлмәкнең ак төймәсе төшсә- тешкә, тешләүгә ( ак төймә-ак теш), ягъни гайбәткә, чәнечкеле сүзгә.
Автор: Зилә Мөдәррисова
Фото:http://pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев