Якташыбыз 11 миллион 97 мең сум акча откан

Казанда яшәүче Альбина Т. "Гослото 5 из 36" лотереясында җиңгән. Ул 11 097 765 сум акча откан.

Кыз финанс консультанты булып эшли, аның семинарлары илнең төрле төбәкләрдә уздырыла. Новосибирскида үткән шундый семинарларның берсендә аңа "очраклы рәвештә кулга килеп кергән акча белән нишләргә?" дигән сорау бирәләр. Бу урында көчле дискуссия башлана, шунда берәү барысына да лотереяда катнашырга тәкъдим ясый. Семинарда катнашкан бөтен халык планшетларыннан Интернетка чыгып, тиз арада лотереяда уйнап ала. Шулай итеп, безнең якташыбызга бәхет елмая.

Әлеге уенда Альбина 2014 елның 23 декабрендә катнашкан була, дип хәбәр итә "Әлмәт таңнары" басмасы.