Җырчы сәхнәдә кобра тешләвеннән үлгән

Әлеге фаҗигале хәл Индонезиядә булган. Җырчы Ирма Буле сәхнәдә чыгыш ясаганда җан биргән.

29 яшьлек Ирма Буле кобра белән җырлап-биегәндә ялгыш кына еланның койрыгына баскан. Елан аның ботын тешләгән.

РИА Новости хәбәр итүенчә еланның хуҗасы җырчыга елан агуына каршы сыеклык биргән, тик җырчы аны эчүдән баш тартып, җырлавын дәвам иткән. 45 минут җырлаганнан соң, җырчы сәхнәгә егылган, калтырап коса башлаган. Дәваханәгә алып баргач, табиблар аның үлүен раслаганнар.