Тәрбиясенә карап – сөте

Әйдәгез, район хуҗалыкларында сөт җитештерү буенча тулы бер ай нәтиҗәләрен карыйк. Хуҗалыклар арасында яңа исемнәрне дә күрергә була. Болар: "Гыйззәтова Г.И.", "Хәйбриева З.А." һәм "Алан" - яңа оешкан фермер хуҗалыклары. Яңа гына булсалар да, сөт җитештерү буенча үзләреннән өлеш керткәннәр. Ә эшләп килүче җәмгыятьләр буенча карасак, беренче урыннарда - "Лениногорская"агрофирмасы", "Ленин", "Сатурн-Урал" җәмгыятьләре. Авыл хуҗалыгы һәм азык-төлек идарәсеннән алынган таблицада узган елгы күрсәткечләр дә язылган. Һәм, әйтергә кирәк, бер сыердан савып алынган сөт күләме буенча алда әйтеп узган хуҗалыкларда артым күренә. Сөтлебикәләргә тиешле тәрбия бирелеп, витаминлы азык белән тукланганнар, димәк. "Родник" җәмгыяте белән "Хәсәнов Х.Х" шәхси предприятиесендә, узган елгы белән чагыштырганда, сөтнең кимүе күзәтелә.