Дин юлында

Белгәнебезчә, 4 февральдә мөселман кардәшләребезнең иң зур бәйрәме - Мәүлид үтте. Бу - пәйгамбәребез Мөхәммәд галәйһиссәлам туган көн. Без дә, Туктар-Урдала мәхәлләсендә әлеге бәйрәмне көтеп алдык. Мәчеткә керү белән чисталыкка, җылылыкка хәйран калырлык. Рәхмәт, Әлфия Бикбовага. Һәрдаим мәчетне карап, җыештырып тора, килгән һәрберебезгә ачык йөз күрсәтә. Бу көнне дә мәчеткә килдек. Мөселман кардәшләр белән җыелып, бергә Коръән укыдык, вәгазь тыңладык, әңгәмә кордык. Без - шәкертләрне, изге юлга бастыручы Рәшидә апа Гайнетдиновага чиксез рәхмәтлебез. Авылда хәзерге көндә дин алгы планга чыкты. Барлык авылдашларны шушы юлга - Урдалы мәчетенә дәшәм. Һәрбарчабызга да Аллаһы Тәгалә исәнлек-саулык бирсен.