Кайбер төр даруларны срогы чыккач та кулланырга ярый?

Ярый     
Каты дарулар (төймә һәм капсула рәвешендә). Әмма аларның кабы ачылмаган булырга тиеш.

Искәрмә!

Кайбер каты даруларны яраклылык вакыты чыккач кулланырга ярамый:

1) чыжылдый торган дарулар. Алар бик тиз бозыла. Дымлы урында сакланса бигрәк тә.

2) нитроглицерин. Андагы актив матдәләр бик тиз очып бетә.

3) антибиотиклар белән дә бик сак булырга кирәк. Яраклылык вакыты чыккан даруны эчкәннән соң икенче көнне нәтиҗәсе булмаса, аны кулланудан файда юк.

Ярамый:

Инъекция ясау өчен кирәкле ампула, флаконнар. Алар төсен үзгәрткән, тоныкланган булса, аеруча куркыныч.

Сыек һәм йомшак дарулар (гель, мазь, сироп, төнәтмә, тамчылар)

Киптерелгән үләннәр. Яраклылык вакыты чыккач, алар файдалы үзлекләрен югалта.

Инсулин (саклаганда уала).

Тетрациклин. Антибиотик агулы матдәгә әйләнергә мөмкин.

Пробиотик. Алар составында саклаганда юкка чыга торган тере бактерияләр бар.

Контрацептив чаралар.

http://baltaci.ru

https://pixabay.com фотосы