Казаннан мопед белән киткән пенсионер Байкалга барып җиткән

Пенсионер әйтүенә караганда, Россия буйлап сәяхәт итү аның бик күптәнге хыялы булган, һәм хәзер ул һәр ел берәр кая барырга тырыша. Моннан алдагы елларда хатын Кавказ, Санкт-Петербург һәм Крымга мопед белән барып кайткан. Элек ул үзе белән алып барган палаткада кунган.

Ләкин былтыр аның палаткасының кайбер өлешләрен урлаганнар һәм шуңа күрә хәзер ул гостиницаларда калырга мәҗбүр.

Болдырева үзе әйтүенә караганда, төннәрен юлда бару бераз куркыныч, бигрәк тә фуралар куркыта, ләкин аңа Байкал бик ошаган һәм ул мондый зур юл узуына һич кенә дә үкенми.
Тиздән ул кире юлга кузгалачак, дип хәбәр итә «360» телеканалы.

http://idel-tat.ru

http://tulachi.ru/news/novosti/kazannan-moped-beln-kitkn-pensioner-baykalga-baryp-itkn

ФОТО: pixabay.com