Прививка ясатмаучыларга ипотека һәм кредитлар кыйммәтләнергә мөмкин
2022 елдан ипотека һәм куллану кредитлары алганда коронавирустан вакцинация турында белешмә таләп ителергә мөмкин.
Бу хакта “Известия” яза.
Басма мәгълүматларына караганда, вакцинация узмаучыларга кредит бәясе кыйммәтрәк булачак. Бу кулланучыларның гомерен һәм сәламәтлеген иминиятләштерүнең кыйммәтләнү ихтималы белән бәйле. Мондый очракта банкның процент ставкасын күтәрүгә тулы хокукы бар.
“Кредит алучының гомерен һәм сәламәтлеген иминиятләштерү банкларның хәлен җиңеләйтә, шуңа күрә алар гадәттә иминиятләштерелгән кредитларны иминиятләштерелмәгәннәренә караганда түбәнрәк процент белән бирә. Ә инде кредит алучыларның чыгымнары һәр ике очракта да – бер үк төрле диярлек. Иминиятләштерелмәгән кредит алганда, ставкасының зуррак булуы сәбәпле, түләнелергә тиешле процентлар иминиятләштерү бәясенә якынлаша”, – дип аңлатылган Үзәк банктан.
Тулырак: http://baltaci.ru/news/keshe-%D2%BB%D3%99m-zakon/privivka-yasatmauchylarga-ipoteka-m-kreditlar-kyymmtlnerg-mmkin
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев