Россиядә яшәүчеләр Яңа ел бүләкләре өчен салым түләргә мөмкин

«Адамова и партнеры» адвокатлар коллегиясенең өлкән партнеры Ирина Адамов РБК газетасына сөйләгәнчә, әгәр гражданин бүләк итүче белән туган булмаса, теркәлергә тиешле объектлар бүләк иткән очракта салым салыначак. Мисал өчен, күчемсез милек яки транспорт чарасы. Бу хакта РИА Новости хәбәр итә.

Әгәр бүләкне оешма тапшыра икән, ул документлар белән теркәлергә тиеш», — дип сөйләде КА Pen & Paper салым мәсьәләләре буенча махсус киңәшче Андрей Локис Локис.

«Әгәр бүләкнең бәясе өч мең сумнан артса, хезмәткәр белән бүләк килешүе рәсмиләштерелә. Шул бәядән арткан очракта, оешма 4 мең сумнан арткан суммадан НДФЛ тотып калырга тиеш», — диде ул.

Әгәр бүләкне туганнар яки гаилә әгъзалары ясаса, салымнан азат ителә.

Белгеч сүзләренчә, әгәр бүләк ителгән акча товар, эш һәм хезмәт бәясен түләү булмаса, физик затлардан акчалата һәм продукция формасында бүләккә салым салынмый.

Гыйнвардан Россиядә яшәүчеләр банк кертемнәрендә бер миллион сумнан артык акча сакласа, киләсе елда беренче тапкыр процент кеременнән салым түләргә тиеш була.

https://tatar-inform.tatar

фото: https://pixabay.com/ru