Татарстанда Мензәлә елгасында 54 яшьлек ир-ат батып үлгән. Ул көймәдән егылып төшкән. Бу хакта Татарстан буенча Россия Гадәттән тыш хәлләр министрлыгының Баш идарәсе хәбәр итә.
Коткаручылар ир-атның мәетен ярдан 800 метр ераклыкта, 2,5 метр тирәнлектән тапкан. Аның өстендә коткару жилеты булмаган.
Гадәттән тыш хәлләр министрлыгында фаҗигане суда иминлек кагыйдәләрен бозу белән бәйлиләр.
Нет комментариев