Зәйдә "Тәртип" радиосы эшли башлады
Зәйдә "Тәртип" радиосында җирле яңалыклар, мәдәни юнәлештәге программалар, музыкаль котлаулар яңгыраячак.
“Татмедиа” АҖ филиалының «Зәй-информ» оешмасы 88,0 FM ешлыгында уникаль контент белән “Тәртип” радиосын эшләтеп җибәрде. Татар телендә чыга торган «Тәртип» радиосы тапшыруларын Зәйдә 88,0 FM ешлыгында тыңларга була.
"Тәртип" - татар милли мәдәниятенең чын кыйммәтләрен саклап калуга һәм үстерүгә юнәлдерелгән уникаль контент булган радио. Аның төп бурычларының берсе - үткән һәм бүгенге арасындагы элемтәләрне саклап калу. Эфирда тәүлек буе ретро-җырлар, “алтын" хитлар, классик әсәрләр, шулай ук сыйфатлы заманча музыка яңгырый. "Тәртип" радиосы үз тапшыруларында әхлакый тәрбия, рухи кыйммәтләрне алга сөрә. Мәдәният, сәнгать, тарих, татар халкының үткәне, бүгенгесе һәм киләчәге - программаларның асылын тәшкил итүче мөһим темалар.
Зәй халкы 88.0 FM ешлыгында шәһәр һәм район яңалыклары белән танышырга, ретро-җырлар, классик әсәрләр, шулай ук сыйфатлы заманча музыка тыңлый ала.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев