Алты елга рәшәткә артына

28 яшьлек Иванова үз фатирында наркотик куллану өчен притон ачкан. Быелның июль аеннан алып августка кадәр дезоморфин наркотигы әзерләп, аны кулланучы кешеләр белән беррәттән, үзе дә фатирында кулланган.

Прокуратураның матбугат хезмәте

Фатирны тикшергәндә хокук сакчылары эченә 5,49 грамм күләмендә наркотик салынган пыяла савытка тап була. Әлеге наркотик матдәне Иванова шәхси куллану өчен өендә саклаган булган.

Суд Иванованы гаепле дип танып, алты елга ирегеннән мәхрүм итте һәм гомуми режимлы колониягә җибәрү карары чыгарды.