Дәвалану – мәҗбүри

Шәһәр суды 32 яшьлек лениногорскилыга карата җинаять эше тикшерде.

Быелның 21 февралендә, барлык кирәкле кушылмаларны алдан әзерләп куеп, үз фатирында Иванов 9,1 грамм күләмендә дезоморфин наркотик матдәсе ясый һәм аны өендә саклый. Шул ук көнне хокук сакчылары тарафыннан Үзәк район хастаханәсенең 3 нче катында тоткарлана. Тикшерү барышында аннан законсыз рәвештә әзерләнгән наркотик табыла.
Суд Ивановны гаепле дип санап, РФ Җинаять кодексының 228 нче маддәсе, 2 нче часте буенча хөкем карары чыгарып, шартлы рәвештә 2 елга ирегеннән мәхрүм итә. Моннан тыш, хөкем ителүче мәҗбүри рәвештә наркотиктан дәвалану курсы да узарга тиеш.