Иске Иштирәктә язны каршы алып, кышны озаттылар (+ фотолар)

Авыл мәдәният йорты каршында узды бәйрәм. “8 мартны яз бәйрәме дип әйтәбез, димәк, кыш китәргә тиеш булып чыга бит. Шунлыктан бу бәйрәмдә Кыш бабай катнашты, халык белән уеннар уйнады да, киләсе елга киләм дип, саубуллашып китте. Урамда бәйрәм уздыруы күңелле”, - ди мәдәният йорты хезмәткәре Гөлшат Гыйззәтова.
Бәйрәмдә 35 ел Иске Иштирәктә фельдшер булып эшләгән Фәридә Шәңгәрәевага хезмәте өчен рәхмәт әйтеп, лаеклы ялга озаттылар. Авыл халкы да рәхмәтләрен әйтте.
Авыл җирлеге башлыгы Айрат Вәлиәхмәтов хатын-кызларга чәчәкләр бүләк иткән. Бәйрәмдә төрле ярышлар, уеннар булган: аркан тартышып, чанага утыртып, икенче команда белән ярышу да узган. Әлбәттә, җырлар да яңгыраган. Кайнар чәй эчү дә оештырылган.