Түбән Чыршылыда шигырь иҗат итүчеләр җыелды

Бәйрәмгә авылда иҗат итүче шагыйрьләр һәм шигырь сөюче авылдашлар чакырылды. Кичәнең кунагы, яшь шагыйрә Гүзәл Талипова үзенең иҗат җимешләре белән таныштырды, берничәсен сөйләп тә китте.

Китапханәче Рәисә Сафина  кунакларга авылның үзешчән шагыйрьләре -  Хасаншин Фәндәс, Закирова Лена апаның шигырьләрен укыды. Чакырган кунаклар да буш килмәгән, күңелләренә якын булган шигырьләр әзерләп килгәннәр. Аларны матур итеп укып күрсәттеләр.

Шигырь язу- күңел халәте, кайсылар аны үзе яза, кайберләре укырга ярата. Ничек булса да шигырь дигән серле дөнья үзе бер могҗиза.