Беренче укытучым

Минем беренче укытучым - Энҗе Тәбрис кызы Әшрапова. Мин аңа һәрчак сокланам һәм хөрмәт итәм. Ул белемле, таләпчән, гадел укытучы. Хәзер дә, инде V сыйныфта укысам да, укытучым янына киңәш сорап барам. Һәрвакыт файдалы, кирәкле киңәшләрен бирә. Авыр минутларда укытучымның елмаюлы карашын күз алдыма китерсәм, барлык авырлыклар юкка чыга. Укытучы бит ул һәркем өчен маяк булып тора. Бер кеше дә үзенең беренче укытучысын онытмый, минемчә. Шулай булырга тиеш тә. Ул бит беренче. Беренче тапкыр ручка тотып язарга, хәреф танырга өйрәтүче. Ул - туры юл күрсәтүче.