Ел катлаулы булса да, Лениногорск йөзүчеләре сезонны уңышлы төгәлләделәр
Бу араларда “Юбилейный” йөзү бассейнында кызу урак өсте булды. Анда 2020-2021 нче спорт сезонына йомгак ясадылар. Төрле дәрәҗәдәге ярышлар, бәйгеләрдә ирешкән уңышларны барладылар.
Ә сезон, һәммәбезгә билгеле сәбәпләр аркасында, катлаулырак булса да, йөзү спорты белән шөгыльләнүчеләргә медальләр, призлар китерми калмады. Күпләр үзләренең югары йөзү разрядларын расладылар. Сезонны йомгаклау ярышларында чемпион исеменә Ева Нигъмәтҗанова,Полина Сычёва, Родион Олейников, Анастасия Кожевникова, Кәрим Сәгъдиев, Ника Котикова, Әскәр Сарыймов, Анастасия Артемьева, Азат Юнысов, Яна Ханнанова, Роберт Шәмсулин,Константин Кожевников, Эльвира Харасова,Илназ Матмурадов, Александр Романов лаек булды.
Ә көмеш һәм бронза медальләргә барлыгы 23 спортчы ия булды. Сезон барышында республика, илкүләм чемпионатларда катнашып, күп көч сарыф итсәләр дә, азаккы ярышларда да сынатмадылар.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев