Лениногорск Мәшгульлек үзәге "Мин һөнәрләр дөньясында" акциясе үткәрде (фотолар)

Җәйге каникуллар вакытында Лениногорск Мәшгульлек үзәге белгечләре мәктәп, спорт-сәламәтләндерү һәм балалар сәламәтләндерү лагерьларында "Мин һөнәрләр дөньясында" дип исемләнгән һөнәри юнәлеш бирүче акция үткәрә.

Чаралар "Җәйге лагерь - һөнәри юнәлеш бирү территориясе" шигаре буенча уза. Акциянең максаты - яшь буынны мөмкин кадәр иртәрәк һөнәр үзенчәлекләре белән таныштыру.
Узган атнада "Дружба" сәламәтләндерү лагеренда эш белән тәэмин итү үзәге белгече "Логос" психологик үзәге вәкилләре белән бергә укучыларны хезмәт базарында ихтыяҗы зур булган һөнәрләр белән таныштырды.