Лениногорск районы авылларында халык җыеннары бара

Бу атнада районыбыз авылларында халык җыеннары башланды.

Беренчеләрдән булып Сарабиккол, Мордва Кармалка, Зәй-Каратай һәм Тимәш авылында үтте.

Аларда авыл җирлеге башлыгы үткән елга хисап тотты, быелга планлаштырылган эшләр турында сөйләде. Шәһәр һәм район җитәкчелеге, шулай ук халыкка хезмәт күрсәтүче оешма белгечләре авыл кешеләренең сорауларына җавап бирде, тәкъдимнәрен язып алды.

Әлеге авылларда җыенның ничек үтүе турында "Заман сулышы"ның алдагы саннарында укый аласыз. Чәршәмбе көнне Ивановкада, пәнҗешәмбе - Урдалыда, Зеленая Рощада, җомга - Керкәле белән иске Шөгердә.