Лениногорскилыларны бәйрәм көннәрендә Туган якны өйрәнү музее чакыра

Шәһәребезнең Туган якны өйрәнү музеенда 4 ноябрьдә Халыклар бердәмлеге көне һәм Россия киносы елына багышлап, төрле чаралар узачак.

Бу көнне музейга килүчеләр көндезге сәгать 11дән башлап, сәгать 2гә кадәр бушлай "Мавыгулар дөньясы" күргәзмәсе һәм этнография залы белән таныша ала. "Иҗат итү вакыты" девизы белән узучы чара 16.00 сәгатьтә башлана. Катнашырга теләүчеләр үзләрен иҗатның төрләрендә: шигырь уку, җыр башкару, музыка коралларында уйнау, бию буенча күрсәтә ала. Кунакларны Россия киносы геройлары костюмында көтеп калабыз, дип хәбәр итәләр музейдан.