Районда янгын ике кеше үлеменә китерде
26 декабрь кичендә 19 сәгать 23 минутта 66 нчы янгын сүндерү частенә бердәм коткару хезмәте номерыннан районның Бәкер авылында вагон януы турында хәбәр килә. Янгын турында шаһит хәбәр итә.
19 сәгать 32 минутта янгын сүндерүчеләр урынга килеп җитә. Аларны шаһитләр һәм күршеләр каршы ала. Алар вагон яна, аның эчендә хуҗасы да калгандыр дип әйтәләр.
Ялкын телләре эчке яктан чыга торган булган, тәрәзәсе ишелеп төшә. Вагонга керү ишеге ачык була. Коткаручылар вагон эченнән ике үле гәүдәне алып чыгалар.
Янгын нәтиҗәсе ике кеше үлеменә китерде, 12 квадрат метр мәйданлы вагонның эчке ягына зыян килде.
Янгынның беренчел фаразы – тәмәке тартканда саксызлык күрсәтү
Владислав Земляков, янгын күзәтчелеге бүлеге
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев