Тормышка мәхәббәт

автор, 12 апрель 2012 - 06:57

1249

Каты кагылма күңелгә, Өзелә торган кыл бит ул. Сак бул, әйтәсе сүзеңә, Әйткәч - инде соң бит ул. Авторның әлеге шигъри юлларын сүз башы итеп куюым юкка түгел. Китапны кулыма алып, бер тында укып чыкканнан соң, беренче соклануым шул булды: ничек итеп гадәти сүзләрне күңел түрендәге хисләр белән сак кына...

Каты кагылма күңелгә,

Өзелә торган кыл бит ул.

Сак бул, әйтәсе сүзеңә,

Әйткәч - инде соң бит ул.

Авторның әлеге шигъри юлларын сүз башы итеп куюым юкка түгел. Китапны кулыма алып, бер тында укып чыкканнан соң, беренче соклануым шул булды: ничек итеп гадәти сүзләрне күңел түрендәге хисләр белән сак кына үреп, әйтәсе килгән фикерне шигъри югарылыкта - хикмәтле сүз итеп әйтә белгән! Яшьлегендә һәркемнең шигырь язу "чире" белән мавыгуы гаҗәп түгел, ә менә гомер йомгагын байтак сүткән, өлкән яшьтәге Мәһәрша Сәлахетдин кызы Вәлиуллова, бүгенгесе көндә дә тормышка ихлас мәхәббәтен шигырь юлларында тасвирлый. Шигырьләр җыентыгы табигатьтәге иң хозур төс - яшәү төсе булган яшькелт кәгазьгә басылган, бит-битләре нәкышләп бизәлгән, тышлыгындагы ак чәчәкләр - мәхәббәт чәчәкләре - китапның исеменә тәңгәл килеп тора - "Тормышка мәхәббәт".

Китап шәһәребезнең "Власста" реклама агентлыгында бастырылган. Җыентыкта авторның ел фасыллары, туган ил, туган тел, туган нигез турындагы шигырьләре. Ул тагын төбәгебездәге мәртәбәле кешеләргә - язучы, шагыйрь, рәссам, укытучыларга мәдхия җырлый.

Өлкәннәр сүзе - акылның үзе, дип әйтәләр. Шагыйрьнең икеюллыкларындагы җор сүзләре шуны дәлилли:

Язгы төннәр хәбәрле,

Була кайчак хәтәрле.

***

Вакыт - санаулы,

Кеше - сынаулы.

***

Кешедәге изгелек,

Кала илгә сибелеп.

Китапның титул битендәге фотода Мәһәрша ханымның укучыга мөрәҗәгате урын алган.

Мин бәхетле, җан җылымны,

Кешегә бүлә алсам