Мәктәп каникуллары вакытында машина йөртүчеләрне аеруча игътибарлы булырга чакыралар

Юлда балаларның олылардан башка булуына юл куймаска, машина йөртүчеләргә һәм җәяүлеләргә юлларда аеруча игътибарлы булырга - Казанның Дәүләт автоинспекциясе көзге мәктәп каникуллары алдыннан ата-аналарга һәм укучыларга шундый мөрәҗәгать белән чыкты. Каникуллар 30 октябрьдә башлана.

ЮХИДИ искәртүенчә, һава шартларының начараюы, иртә караңгы төшү, кар һәм яңгыр юл-транспорт һәлакәтләре санын арттырырга мөмкин. Дәүләт автоинспекциясе ата-аналарны һәм башка олыларны балаларына юл йөрү кагыйдәләрен аңлатырга сорый.

ЮХИДИ мәгълүматлары буенча, агымдагы елда Каанда балалар катнашуы белән 190 юл-транспорт һәлакәте теркәлгән. Аларда 200-гә якын бәлигъ булмаган бала төрле дәрәҗәдәге җәрәхәтләр алган.

http://tatar-inform.tatar

фото: https://go.mail.ru/search_images?fr=chvbm7.1.30&gp=812210&q=%D0%B3%D0%B8%D0%B1%D0%B4%D0%B4%20%D1%84%D0%BE%D1%82%D0%BE&frm=web#urlhash=3412644420254520160