Лениногорск мәктәпләре Мәгариф министрын күргәзмәләр белән каршы алды (ФОТОЛАР)

Бүген Лениногорскига эшлекле визит белән республика Мәгариф һәм фән министры Энгель Фәттахов килде. Ул мәгариф хезмәткәрләренең август киңәшмәсендә катнаша.

Киңәшмә башланганчы мәгариф министры район башлыгы Рәгать Хөсәенов, Мәгариф идарәсе начальнигы Вагиз Санатуллин, Мәгариф идарәсе хезмәткәре Рафик Хәмидуллин озатуында берничә урында булды.

Үзәк мәйданда спорт мәктәпләре күрсәтмә чыгышлар ясый иде, аларны карап узды.

Мәдәният сарае алдында авыл һәм шәһәр мәктәпләре күргәзмә әзерләгән. Анда ниләр генә ясап бетермәгәннәр, искиткеч. Молодцы, югары дәрәҗәдә әзерлекләре күренеп торды. Энгель Фәттахов һәрберсен карап, эшләре, хезмәтләре өчен рәхмәт әйтте.

Мәдәният сараеның эчке ягында икенче этажда мәктәпләр белем бирү системалары белән таныштырдылар.

Розалия Мостафина фотолары