Хәтердә сез, хәтердә...

5 май көнне мәктәп ишекләре хезмәт ветераннары өчен ачылды. 20 дән артык өлкән кеше чакырылган булса да, аларның алтысы гына килгән иде: Миннур Фәйрузова, Мәрзия Корбанова, Рәйсә Фәсхетдинова, Гөлсирин Якупова, Әнәс Төхвәтуллин һәм Рәшит Якупов абый.

Кичә бик эчтәлекле булды. Укучылар бәйрәм концерты күрсәтте. Ә ветераннар балачак истәлекләре белән уртаклашты, сугыш вакытында күргән авырлыклар турында сөйләделәр. Алар, авыр булса да, түзгәннәр, бирешмәгәннәр, Җиңү көнен якынлаштырганнар. Балаларга теләкләре дә изге булды: исәнлек, тырышып уку, әти-әниләргә, өлкәннәргә игелекле булу, сугыш афәтләре күрмәү. Соңыннан сөйләшү чәй табыны янында дәвам итте. Мәктәп директоры Сәлимә Әнвәр кызы Гатина мәктәп коллективы исеменнән өлкәннәрне олы бөйрәм белән котлады, аларга тыныч тормыш, бәхетле картлык, саулык теләде.