Татарстанны 2026 елда инвестицияләр үсеше акрынаю көтә

Сәбәпләре – салым реформасы, кадрлар ачлыгы һәм кыйммәтле кредитлар. Бу хакта ТР Инвестицион үсеш агентлыгы җитәкчесе Талия Миңнуллина белдерде.

Аның сүзләренчә, инвестпроектларны гамәлгә ашыруга Россиядә салымнарның гыйнвардагы артуы, «озын арзанлы» акчалар кытлыгы һәм экспорт киеренкелеге тискәре йогынты ясый. Ә илдә һәм республикада рекордлы түбән эшсезлек яңа проектлар өчен кадрлар җитмәүгә китерә.

"Россия буенча да, Татарстан буенча да эшсезлек бик түбән. Ә яңа проектлар өчен кадрлар кирәк. Мәгариф-фән өлкәсенең зур потенциалына карамастан, көчле белем бирү алымына карамастан, барыбер кешеләр җитми", - дип аңлатты Миңнуллина.

НТР24