Заман сулышы

Лениногорск шәһәре

18+
2024 - Гаилә елы
ЯҢАЛЫКЛАР

Лениногорскида Татарстан гимны авторы Рамазан Байтимеровның тууына 100 ел тулуны билгеләп үттеләр (+фотолар)

Татарстан гимны яңгыраганда, лениногорскилылар үзгә бер хис кичерәдер, шулай булмый мөмкин түгел, өч дистә елдан артык гомерен Лениногорскида дәртләнеп, рухланып иҗат иткән Рамазан Байтимеров сүзләренә язылган гимн бит ул.


Исән булса, 5 апрельдә Рамазан ага Байтимеровка 100 яшь булыр иде. Бүген Лениногорск Мәдәният сараенда аны искә алу кичәсе үтте.

Шәһәр башлыгы урынбасары Гөлфирә Рафикова, галим, язучы Әнвәр Шәрипов, Татарстан Язучылар берлегенең Яр Чаллы бүлекчәсе рәисе Факил Сафин, Татарстан Язучылар берлегенең Әлмәт бүлекчәсе Рәфкать Шаһиев, шагыйрь Айрат Суфиянов, “Чишмә” берләшмәсе җитәкчесе Таһир Шәмсуаров, Рамазан аганың кызы Гөлшат ханым, мәктәп укучылары, укытучылар, әдәбиятны сөючеләр кичәгә җыелды.

Кичә барышында Рамазан Байтимеров шигырьләренә язылган җырлар яңгырады, аның шигырьләре укылды.

Кызы Гөлшат ханым әйтүенчә, фронтовик-шагыйрьнең 100 еллыгы туган ягы – Башкортстанның Авыргазы районында да билгеләп үтәчәкләр, шулай ук Казанда да булачак. “Гомер уза, менә әткәйнең 100 еллыгы да җитте. Лениногорскида әти 30 елдан артык яшәде, бу якны яратты. Бүгенге кичәдә яшь буынның да катнашуы бик әһәмиятле. Безнең максат та бит – туган ягын яратып, аны хөрмәт итеп яшәүче буынны үстерү”, - ди Гөлшат ханым.

Рамазан Байтимеровның иҗатын оныттырмауда, шулай ук гимн булып раслануда да кызы Гөлшат ханымның роле зур. Ул әтисенең үзе исән чагында дөнья күрә алмаган шигырьләрен барлап, «Яшәү хакына» дип аталган зур булмаган җыентыгын да чыгарган. Шәһәр башлыгы урынбасары Гөлфирә Рафикова аңа әтисенең мирасын саклап, барлап торуы өчен рәхмәт сүзләре җиткерде. Гомумән, кичәдә чыгыш ясаучыларның барысы да Гөлшат ханыма рәхмәтләр әйттеләр.

Г.Тукай исемендәге үзәк китапханә Рамазан Байтимеров истәлегенә “Илен сөйгән шагыйрь” дигән конкурс игълан иткән булган, анда 50дән артык кеше катнашкан. Төрле яшь категорияләренә бүлеп, 15 җиңүче сайлап алынган. Кичә барышында җиңүчеләрне Гөлфирә Рафикова тәбрикләп, дипломнар тапшырды.

 

Розалия Мостафина фотолары

 

 

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев