Татарстан Республикасы Премьер-министрының беренче урынбасары Рөстәм Нигъмәтуллин суд системасы хезмәткәрләрен Россиядә 5 ноябрьдә билгеләп үтелә торган Суд хезмәткәре көне белән котлады.
«Суд хакимияте кеше һәм гражданның хокукларын һәм иреген яклау системасында аерым урын алып тора. Хөкем чыгару судьялардан принципиальлекне, җаваплылыкны һәм закон таләпләрен катгый үтәүне, ә суд аппаратлары хезмәткәрләреннән суд эшләрен алып баруны бердәм һәм төгәл оештыруны таләп итә», — диелә мөрәҗәгатьтә.
Нигъмәтуллин Татарстан судлары хезмәткәрләренең күпьеллык намуслы хезмәтен һәм хезмәт вазыйфаларына җаваплы мөнәсәбәтен билгеләп үтте.
«Татарстан Республикасы судлары хезмәткәрләре күп еллар дәвамында хезмәт вазыйфаларын үтәүгә намуслы мөнәсәбәт һәм бурычка тугрылык күрсәтә. Үз вакытында һәм намус белән каралган һәр эш артында белем һәм тәҗрибә генә түгел, ә судларда эшләүче кешеләрнең күңел көче дә тора», — дип ассызыклады ул.
«Суд актларының сыйфаты һәм нигезле булуы гражданнарның суд хакимиятенә ышанычының нигезе һәм аларның хокукларын нәтиҗәле яклауның мөһим шарты булып тора», — диелә мөрәҗәгатьтә.
Йомгаклау өлешендә Нигъмәтуллин судьяларга, суд аппаратлары хезмәткәрләренә һәм суд системасы ветераннарына аны үстерүгә керткән өлешләре өчен рәхмәт белдерде.
Татар-информ
Нет комментариев