Лениногорскилыларның ЖКХ өчен 97 миллионнан артык бурычы бар

Мэриянең актлар залында район башлыгы Рәгать Хөсәенов җитәкчелегендә халыкның торак-коммуналь - хуҗалыгы буенча җыелган бурычлары буенча киңәшмә үтте.Төзелеш һәм ТКХ мәгълүмати ресурслар үзәге директоры Фәрид Фәрхетдинов бу хәлгә тулы анализ ясады.

1 февральгә лениногорскилыларның ресурслар белән тәэмин итү оешмаларына 97 миллионнан артыграк бурычы бар. Арада коммуналь хезмәтләр өчен еллар буе түләмәүчеләр дә, эчкечелеккә бирелгән кешеләр дә бар. Алардан бурычларын кайтарту өчен рейдлар уздырыла, аңлату эшләре алып барыла, ә озак вакыт түләмәүчеләрнең эшләре судка тапшырыла. Район башлыгы бурычларны җыю буенча эшне көчәйтергә кушты, шул ук вакытта шәхси якын килеп, бурычлыларның матди хәлләренә дә игътибар итәргә кушты.

Муниципалитет сайтыннан