ҖОМГА КОЙМАГЫ

“Яхшылык кием яки торган урын вә йөргән җирләр төзек булу белән генә түгел, бәлки күңел төзәлүдән гыйбарәт. Күңел төзәлүнең беренче билгесе – башкалар белән булышмау, аларны җәфаламау. Әгәр дә һәр мөселман үз күңелен шушы рәвештә төзәтә алса, бөтен ислам дөньясы үз-үзеннән төзәлер иде. Гайбәт вә сүз йөртү, яла ягу кебек эшләрнең хәтта әсәрләре(эзе) дә калмас. Әгәр дә Ислам дөньясы төзәлсен, мөселманнар фазыйләт(өстенлек) вә күркәм әхлакта үрнәк булып йөрсеннәр дисәң, үз күңелеңне төзәт, кешегә усаллык итмә, көнчелек кылма!” (Риза Фәхретдин. “Җәвамигуль Кәлим шәрехе”. 186нчы хәдис. 1916.)
Йә, Раббым, безгә төзек күңелләр бир, яман холыктан сакла.

vk.com/irekmaydani