18 яшьтән зуррак егет-кызларны Кырымга барып, вожатыйлыкка өйрәнергә чакыралар
Татарстанда “Алдынгылар хәрәкәте” Вожатыйлар мәктәбе ачылу турында белдергән. Шулай итеп, егет-кызларга Кырымга барып вожатыйлыкка өйрәнү һәм республиканың дистәдән артыграк лагеренда 12 юнәлеш буенча эшләү мөмкинлеге ачыла.
Вожатый булу өчен онлайн-форма тутырырга; 6 апрельдә Казанда узачак сессиядә катнашырга; 22-29 апрельдә Кырымда Вожатыйлар мәктәбендә укырга кирәк булачак. Шуннан соң 12 юнәлешнең берсен сайлап алып, тиешле сменада эшләргә мөмкин.
18 яшьтән зуррак барлык егет-кызлар вожатый булып эшли ала.
“Алдынгылар хәрәкәте” – Россия балалар һәм яшьләр хәрәкәте ул. Максаты – балалар, яшьләр, ата-аналар һәм педагогларны берләштерү. Хәрәкәттә катнашучылар, үзләренә яжа дуслар табып, чаралар оештыра, 12 юнәлеш буенча проектларны гамәлгә ашыра. Татарстанда “Ана теле, милли мәдәният, традицияләр” дигән өстәмә юнәлеш тә бар.
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев