Ярмаларны кыздырып алсаң тәмлерәк була

Болай эшләгәндә ярмалардагы үз шикәре һәм аминокислоталар химик реакциягә керә дә, ризыкка үзенчәлекле хуш ис бирә.

Карабодай белән дөге кыздырганнан соң җиңелчә чикләвек тәме ала.
Макароннар исә тагын да хуш исле һәм тәмлерәк булып пешә.

Кыздыруның тагын бер файдасы бар:
• ярмалардагы артык дым югала;
• крахмал карамельләшә;
• ботка таралып тора торган була;
• макарон формасын яхшырак саклый.

Пешерер алдыннан түбәндәгеләрне кыздырырга мөмкин:
карабодай
дөге
булгур
перловка
тары

Ә менә кускус һәм кукуруза ярмасын кыздырырга киңәш ителми. Алар каты массага әверелергә мөмкин.

Әгәр сөтле ботка пешерергә җыенасыз икән, дөгене дә кыздырмыйча гына куллану яхшырак.

Кыздырыр алдыннан ярманы юып, сөлге өстендә киптереп алыгыз. Юеш ярма кызмый, ә пешә генә.

Аннары кызган табага салып, уртача утта 3-10 минут дәвамында бутый-бутый кыздырыгыз. Төсе бераз үзгәрүгә үк уттан алырга кирәк.

Озак тотмагыз — пешкәннән соң әчкелтем тәм барлыкка килергә мөмкин.

Аннары кайнар су яки шулпа өстәп, гадәттәгечә пешерегез.

Фото: татар-информ

 https://bavly-tat.ru/news/ash-su/iarmalarny-kyzdyryp-alsan-tamlerak-bula