Экспертиза үткәрергә кирәкме?
– Сыйфатсыз телефонны кайтарганда, сатучы иң элек сыйфатын тикшерү кирәклеген, ә инде кимчелек килеп чыгу турында бәхәс туган очракта, экспертиза кирәк булачагы турында әйтте. Әлеге процедураларның аермасы нәрсәдә һәм аларны үткәрү шарты нинди?
“Кулланучылар хокукларын яклау турында”гы Россия Федерациясе законында (№ 2300-1, 07.02.1992) билгеләнгәнчә, товарның кимчелеге булганда, аның сыйфатын тикшерү һәм экспертиза үткәрелергә мөмкин.
Кулланучы кимчелекле товар белән мөрәҗәгать иткәндә, сатучы сыйфатны тикшерергә хокуклы. Бу кимчелекнең булуын, аның барлыкка килү сәбәбен һәм характерын (җитештерүче яисә кулланучы гаебе беләнме) билгеләргә мөмкинлек бирә. Сыйфатны сатучы үз көче (сәүдә оешмасының штаттагы хезмәткәрләре) яисә белгечләр чакырып (мәсәлән, сервис үзәгеннән) үткәрә ала.
Кайбер очракта сатучылар, сыйфатны бары тик авторлашкан сервис үзәкләре генә үткәрә ала, ди. Бу – дөрес түгел, чөнки закон буенча һәм җитештерүче белән килешү нигезендә андый үзәкләр бары тик ремонт белән генә шөгыльләнә. Тикшерүне кирәкле өлкәдә белгеч булган һәркем үткәрә ала. Сайлап алу хокукына бары тик сатучы гына ия.
Экспертиза үткәрү түбәндәге шартлар булган очракта максатка яраклы: сатучы товарның сыйфатына тикшерү үткәргән инде, сатып алучы кимчелекнең сәбәпләре белән риза түгел, сатып алучы экспертиза үткәрүне таләп итә. Санап үтелгән шартларның берсе генә булмаган очракта да экспертиза үткәрү өчен нигез юк, чөнки ул сатучы белән кулланучы арасында кимчелекнең килеп чыгуы сәбәбе турындагы бәхәсне хәл итү өчен үткәрелә.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев