Ишегалдындагы бакча өчен штраф: күпфатирлы йортларда яшәүчеләргә нәрсәне белергә кирәк

Мондый хокук бозу өчен штраф каралган, аның күләме 5 мең сумнан башлана һәм җир кишәрлегенең кадастр бәясеннән 1 проценттан 1,5 процентка кадәр тәшкил итә.

Ни өчен бакчаны болай гына ясарга ярамый?

Йорт яны территориясе - барлык яшәүчеләрнең уртак милке. Аны шәхси ихтыяҗлар өчен, мәсәлән, яшелчә яки чәчәкләр үстерү өчен, милекчеләрнең гомуми җыелышын уздырганнан соң гына файдаланырга рөхсәт ителә. Анда булачак бакчаның чикләре һәм җирне карау тәртибе расланырга тиеш. Әгәр мондый карар юк икән, яшәүченең гамәлләре башка милекчеләрнең хокукларын бозу дип бәяләнергә мөмкин.

Штраф салмасыннар өчен нишләргә ?

Законны бозмас өчен:

- биредә яшәүчеләр белән гомуми җыелыш үткәрергә;
-  карарны беркетмәдә теркәргә;
- участокның төгәл чикләрен һәм аннан файдалану кагыйдәләрен билгеләргә.

Шуннан соң гына бакчаны ясарга керешергә мөмкин. Югыйсә хокук бозучыга штраф яный, ул җирнең кадастр бәясеннән чыгып исәпләнә, әмма 5 мең сумнан да ким була алмый.

Нәтиҗә

Күпфатирлы йортның ишегалдында  бакча булдырганчы, моны күршеләр белән килештерегез. Бу конфликтларны һәм финанс югалтуларны булдырмаска ярдәм итәчәк.

фото: Татар-информ