Казанда август аенда агробиотехнопарк ачалар
Татарстанда Агробиотехнопарк терлекчелек өлкәсендә генетик тикшеренүләр алып барачак
Биотехнологияләр – венчур инвесторлары кертә торган иң перспектив базарларның берсе, дип саный агросәнәгать комплексында (АПК) яңа технологияләр өлкәсе белгече Наталья Чернышева.
Россиядә 2026 елдан «Биоикътисадны технологик тәэмин итү» яңа илкүләм проектын эшләтеп җибәрде. Ул 2030 елга кадәр исәпләнгән һәм 2030 елга технологик суверенитет һәм 2036 елга биоикътисад өлкәсендә технологик лидерлык контурына кертелгән.
Татарстан бу өлкәдә алдынгы регионнарның берсе була ала, чөнки Казанда федераль дәрәҗәдәге агробиотехнопарк төзелә. Ул авыл хуҗалыгын үстерү, беренче чиратта терлекчелек өчен генетик тикшеренүләр белән шөгыльләнәчәк. Ил буенча мондый проектлар өчәү булачак: Татарстанда, Адыгеядә һәм Белгород өлкәсендә.
Проектның үзәге, «ГенБиоТех» компаниясенең генераль директоры Ильнур Батдалов әйтүенчә, генетик лаборатория булачак – «Россиядә һәм БДБда иң эресе». Ул елына 600 меңгә кадәр тикшеренү үткәрә алачак.
Технопарк базасында Казан федераль университеты һәм Казан дәүләт аграр университеты белән партнерлыкта фәнни эшчәнлек алып барылачак. Биредә генетика һәм биоинформатика белән бәйле лекцияләр үткәреләчәк.
Фото: © Михаил Захаров / «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев