Шушы елның 30 сентябре – еллык гаилә түләвенә гариза бирү өчен соңгы көн, дип искә төшерә Лениногорск Социаль фондының Клиент хезмәте.
Социаль фонд әлеге түләүне узган ел керемнәреннән НДФЛ түләнгән 2 һәм аннан күбрәк баласы булган эшләүче ата-аналарга билгели.
Гаиләләрдә әлеге түләү буенча сораулар туып тора, шунлыктан иң еш бирелә торган сорауларга Лениногорск Клиент хезмәте җитәкчесе Айгөл Исламова җавап бирә.
-Гаилә өчен еллык түләү бердәм пособие билгеләгәндә исәпкә алынамы?
Юк, бердәм пособие билгеләгәндә еллык гаилә түләве исәпкә алынмый.
-Еллык гаилә түләвен билгеләгәндә Бердәм пособие исәпкә алынамы?
Әйе, еллык гаилә түләвен билгеләгәндә җан башына уртача керемне исәпләгәндә бердәм пособие исәпкә алына.
-Гаиләдә берничә бала булса, ел саен түләүне һәркемгә билгеләрләрме?
Юк, балалар санына карамастан, шартлар үтәлгәндә һәр ата-анага бер түләү билгеләнергә мөмкин.
-Киләсе елда гаилә түләвен рәсмиләштерергә мөмкин булачакмы, түләүне быел алган идек.
Әйе, түләү өчен ел саен мөрәҗәгать итәргә мөмкин, әгәр мөрәҗәгать итүнең алдагы елында НДФЛ түләнгән керемнәр булса.
Нет комментариев