11нче гимназиядә Халыкара туган тел көне уңаеннан бәйге узды (+фотолар)

Бәйгедә татар һәм рус телләрендә, төрле авторларның шигырьләре яңгырады. Барлык балалар да шигырьне сәнгатьле итеп сөйләде. Араларында сәхнәгә беренче тапкыр аяк баскан укучылар да бар иде.

Бәйге булгач, әлбәттә, җиңүчесе дә булырга тиеш. «Иң оста шигырь сөйләүче», беренче урынны яулаучы кызларыбыз 1"А" сыйныфыннан Зәринә Шәрәфетдиннова, 2"А" сыйныфыннан Азалия Сәгъдиева, 2 «Б» сыйныфыннан Ильвина Закирова булса, егетләребез арасында беренче урынны, 2 «В» сыйныфыннан Ярослав Сенюшин, 3"А" сыйныфыннан Әмир Рәхимов, 4 «А» сыйныфыннан Камил Гарифуллин яулады. 

Шулай ук, 2нче, 3 нче урыннар да бирелде. Бәйрәм ахырында «Туган тел» җырын башкардылар. Бәйрәмдә катнашкан һәр бала Диплом белән бүләкләнде. Кыскасы, бәйрәм күңелле үтте, дип хәбәр итә 11 нче гимназиянең башлангыч сыйныф укытучысы Венера Галимова.