Лениногорскилы Ирина өчен Россия Президенты сайлаулары – тантаналы көн

Аңа 15 мартта 18 яшь тулды һәм Ирина беренче мәртәбә Россия Федерациясе Президенты  сайлауларына  барып,  үз тавышын бирде.

Ирина Кадышеваның сайлау участогы – 1807нче, үзе укыган 12нче лицейда урнашкан. Хәзер Ирина Лениногорск политехник колледжда, 1 курста повар-кондитер белгечлегенә укый. Киләчәктә тортлар пешереп, кешеләргә шатлык китерәсе килә. 

“Бүген, чыннан да, дулкынландыргыч көн. Мин 18 яшем тулуны көтем. Һәм шулай килеп чыкты: 15 март -Россия Президенты сайлаулары көне. Мин Россия гражданы булып, сайлауда катнаштым, гражданлык бурычымны үтәдем”, - ди Ирина. Ул күпбалалы гаиләдән, 5 бала. Гаиләдә бары энесе генә тавыш бирү яшенә җитмәгән әле.

18 яшьлек сайлаучыны шәһәр башлыгы урынбасары Гөлфирә Рафикова котлады, ул аңа чәчәкләр һәм истәлекле бүләк тапшырды.

Россия Президенты сайлаулары көнендә – 15, 16, 17 мартта Лениногорскида 800дән артык кеше беренче тапкыр тавыш бирәчәк.

Розалия Мостафина фотолары