Лениногорскилыларны мошенникларның бәйрәм алды угрылык ысуллары турында кисәтәләр

Алар якын кешеләрен сөендереп, бәйрәм бүләге ясарга теләгән ир-атларның ыгы-зыгылы хәләтен үз файдаларына кулланып калырга ашыга. Мессенджерларда һәм социаль челтәрләрдә массакүләм рәвештә " Матур музыкаль открыткалар" яки интерактив котлауларга сылтамалар таратыла. Сылтама буенча күчү мәгълүмат җыю сайтына алып бара яки автомат рәвештә сезнең смартфонга вирус йөкләүне башлап җибәрә. 

Лениногорск эчке эшләр бүлеге шулай ук  мошенниклардан  үзләрен курьерлар яки «Россия Почтасы " хезмәткәрләре дип таныштырган шалтыратулар турында да кисәтә. Шалтыратулар күпчелек ир-атларга килә, аларга  «эксклюзив чәчәк бәйләме» тәкъдим итәләр, аның өчен алдан түләп кую сорала, билгеле. 

Ә хатын-кызларга яшерен генә ошатып йөрүчедән бүкет китерәчәкбез дип хәбәр итәләр һәм букетны кабул итүне раслау өчен җибәрелгән кодны әйтүләрен сорыйлар. Ә чынбарлыкта бу код мошенникларга, үз кармакларына эләктерергә маташучы кешенең банк кушымтасына яки дәүләт хезмәтләре порталына керү мөмкинлеген ача. 

Чынбарлыкта бер генә китерү хезмәте яки банк та посылка алу өчен мондый кодлар һәм физик затның шәхси картасына түләүне сорамый. Уяу булыгыз, бәйрәм көннәрендә мошенниклар аеруча активлаша.

Фото ясалма интеллект ярдәмендә эшләнде